Recuperando a tradición no Entroido: Xoves de Abadesas

As Asociacións MAREARTE e PETRONILO recuperan, neste documental, a vella tradición boirense do Xoves de Abadesas, esquecida nos entroidos actuais.

Conta a lenda que na Abadía de San Enrique escondían ás donas para estar a salvo dos seus pretendentes, pero que no Entroido a chamada da carne sublimábase nunha noite de desenfreno, onde os mozos vestidos de monxas e abadesas, desafiaban os límites do encerro das súas amadas.

Este Xoves realizarase unha Romería Tabernaria conmemorando e revitalizando tan descoñecido e lúdico evento.